MDMA drugs | ఎండీఎంఏ డ్రగ్స్ విక్రయిస్తున్న ఇద్దరి అరెస్ట్.. మరో నిందితుడు పరారీ

ఇబ్రహీంపట్నం: ఎస్ఓటీ మహేశ్వరం బృందం డ్రగ్స్ విక్రయిస్తున్న ఇద్దరు వ్యక్తులను అదుపులోకి తీసుకుని వారి వద్ద నుంచి 50 గ్రాముల ఎండీఎంఏ (MDMA) డ్రగ్స్ను స్వాధీనం చేసుకుంది. పోలీసులు తెలిపిన వివరాలు ఇలా ఉన్నాయి. కేరళ రాష్ట్రం మలప్పురం జిల్లాకు చెందిన అబ్దుల్ మిషాల్ (33), తారిఖ్ (25) డ్రగ్స్ విక్రయిస్తూ వారు వినియోగిస్తున్నట్లు గుర్తించారు.
వీరిద్దరినీ ఎస్ఓటీ బృందం అదుపులోకి తీసుకుంది. వీరికి డ్రగ్స్ సరఫరా చేస్తున్న బెంగళూరుకు చెందిన పీటర్ అలియాస్ పప్పీ పరారీలో ఉన్నట్లు పోలీసులు తెలిపారు. ఈ ఘటనపై ఇబ్రహీంపట్నం పోలీస్ స్టేషన్ పరిధిలో తదుపరి చర్యలు చేపట్టారు. పరారీలో ఉన్న నిందితుడి కోసం పోలీసులు గాలిస్తున్నారు.
Comments (0)