Mamata Banerjee | ప‌శ్చిమ బెంగాల్‌లో మ‌ళ్లీ ఎన్నిక‌లు నిర్వ‌హించాలి.. మ‌మ‌తా బెన‌ర్జీ డిమాండ్

Mamata Banerjee : ప‌శ్చిమ బెంగాల్‌లో మ‌ళ్లీ అసెంబ్లీ ఎన్నిక‌లు నిర్వ‌హించాల‌ని ఆ రాష్ట్ర మాజీ సీఎం, ఏఐటీసీ (టీఎంసీ) అధినేత్రి మ‌మ‌తా బెన‌ర్జీ డిమాండ్ చేశారు. అంతేకాదు.. కేంద్ర ఎన్నిక‌ల సంఘం ప్ర‌ధాన అధికారి (సీఈసీ) జ్ఞానేశ్వ‌ర్ కుమార్‌ను అరెస్టు చేయాల‌ని మ‌మ‌త డిమాండ్ చేశారు. ప్ర‌స్తుతం స‌ర్ అంశంపై వివాదం కొన‌సాగుతున్న సంగ‌తి తెలిసిందే. ఈ నేప‌థ్యంలో మాజీ సీఎం మ‌మ‌తా బెన‌ర్జీ బుధ‌వారం మీడియాతో మాట్లాడారు.

ప‌శ్చిమ బెంగాల్‌ను ద‌క్కించుకునేందుకు, టీఎంసీని ఓడించేందుకే కేంద్ర ప్ర‌భుత్వం స‌ర్ ప్ర‌క్రియ‌ను ప్రారంభించంద‌ని మ‌మ‌త ఆరోపించారు. స‌ర్ వ‌ల్లే బెంగాల్‌లో బీజేపీ అధికారంలోకి వ‌చ్చింద‌ని, ఈ విష‌యంలో భారీ కుట్ర జ‌రిగింద‌ని అన్నారు. స‌ర్‌కు ముందే బీజేపై ఐటీ సెల్ ఆఫీస‌ర్ సీమా ఖ‌న్నా రాష్ట్రంలో 58 ల‌క్ష‌ల ఓట్ల‌ను తొలగించింద‌న్నారు. త‌ర్వాత మ‌రో 34 ల‌క్ష‌ల ఓట్ల‌ను తొల‌గించిన‌ట్లు మ‌మ‌త చెప్పారు. సీఈసీ జ్ఞానేశ్వ‌ర్, బీజేపీ రెండూ జాయింట్ వెంచ‌ర్ కంపెనీలాంటి వార‌ని, ఇద్ద‌రూ క‌లిసి బీజేపీని బెంగాల్ ఎన్నిక‌ల్లో గెలిపించార‌ని విమ‌ర్శించారు. ఇంకా ఏమైనా నైతిక విలువ‌లు ఉంటే, బెంగాల్‌లో మ‌ళ్లీ ఎన్నిక‌లు నిర్వ‌హించాల‌ని మమ‌త డిమాండ్ చేశారు.

స‌ర్‌ను స్పెష‌ల్ ఇన్సెంటివ్ ఫ‌ర్ రూలింగ్ పార్టీ అని అభివ‌ర్ణించారు. బీజేపీకి ఎన్నిక‌ల సంఘం ర‌క్ష‌ణ క‌ల్పించింద‌ని, సీఈసీని వెంట‌నే అరెస్టు చేయాల‌ని డిమాండ్ చేశారు. సీఈసీ జ్ఞానేశ్వ‌ర్‌కు ప‌దవిలో కొన‌సాగే నైతిక అర్హ‌త లేద‌న్నారు. స‌ర్ ద్వారా బెంగాల్ నుంచి దాదాపు 10 శాతం.. అంటే, 79 ల‌క్ష‌ల ఓట్ల‌ను తొల‌గించింది ఈసీ. ఇటీవ‌ల జ‌రిగిన అసెంబ్లీ ఎన్నిక‌ల్లో బీజేపీ ఘ‌న విజ‌యం సాధించిన సంగ‌తి తెలిసిందే. 293 అసెంబ్లీ స్థానాల‌కుగాను బీజేపీ ఏకంగా 207 సీట్లు గెలిచింది. టీఎంసీ 80 సీట్ల‌కు ప‌రిమిత‌మైంది.