KTR | కేసీఆర్ ఇదే నిర్మ‌ల్ గ‌డ్డ మీద తెలంగాణ‌ను తీసుకొస్తా అన్న‌రు : కేటీఆర్

KTR |  ఇది మామూలు జిల్లా కాదు చ‌దువుల త‌ల్లి స‌రస్వ‌తి దేవి కొలువున్న పుణ్య‌భూమి.. ప్ర‌పంచ ప్ర‌సిద్దికెక్కిన నిర్మ‌ల్ పెయింటింగ్స్, బొమ్మ‌లు త‌యారు చేసే అద్భుత‌మైన క‌ళాకారులు వ‌ర్ధిల్లే ధ‌న్య‌భూమి అని బీఆర్ఎస్ వ‌ర్కింగ్ ప్రెసిడెంట్ కేటీఆర్ అన్నారు.

నిర్మ‌ల్ రైతు గ‌ర్జ‌న స‌భ‌లో కేటీఆర్ మాట్లాడుతూ.. ఈ చారిత్ర‌క స్థ‌లానికి కేసీఆర్ నేతృత్వంలో జ‌రిగిన తెలంగాణ ఉద్య‌మానికి అవినాభావ సంబంధం ఉందన్నారు. స‌రిగ్గా 30 ఏండ్ల కింద‌ట 1996లో ఆనాడు ఇదే నిర్మల్ నియోజ‌క‌వ‌ర్గానికి ఉప ఎన్నిక వ‌చ్చింది.. ఆ రోజు కేసీఆర్ మంత్రిగా ఇక్క‌డ‌కు ఇన్‌చార్జ్‌గా వ‌చ్చారు. వ‌చ్చిన‌ప్పుడు మ‌ధ్య‌లో ఓ 2 గంట‌లు టైం దొరికితే పోచంపాడు ప్రాజెక్టు మీదికి త‌న‌మిత్రులంద‌రినీ తీసుకొని పోయారు. ఆ రోజు కేసీఆర్ పోచంపాడు క‌ట్ట‌మీద నిల‌బ‌డి చూస్తుంటే ఆ గేట్ల‌కు గ్రీస్ లేదు..ఆయిలింగ్ లేదన్నారు.

తుప్పు ప‌ట్టి పోయి ఎప్పుడో క‌ట్టిన ప్రాజెక్టు ఒక శివాల‌యంలా మారి ఒక అనాథ‌గా మారిపోయిన ప‌రిస్థితి చూసి ఆరోజు ఇదే గ‌డ్డ మీద కేసీఆర్ అన్న‌మా ట‌.. ‘ఏదో ఒక రోజు మ‌న ప్రాజెక్టుల‌కు మ‌ళ్లీ మంచి రోజులు రావాలంటే మ‌న ప్రాజెక్టులు శివాల‌యాల మాదిరిగా ఉన్నాయి.. కింది ఆంధ్రాకు నీళ్లు తీసుకొని పోయే ప్రాజెక్టులు వైష్ణ‌వ ఆల‌యాల మాదిరిగా క‌ల‌క‌లలాడుతున్నాయి.. అవ‌స‌ర‌మైతే నాకు భ‌గ‌వంతుడు శ‌క్తినిస్తే నేను ఉద్య‌మానికి శ్రీకారం చుడ‌తా.. నేనే తెలంగాణ‌ను తీసుకొస్తా..’ అనే మాట చెప్పిన మొట్ట‌మొద‌టి ప్రాంతం ఇదే నిర్మ‌ల్ గ‌డ్డ అన్నార‌ని కేటీఆర్ గుర్తు చేశారు.

LIVE: “రైతు గర్జన” సభ

నిర్మల్‌ https://t.co/BNBFMzHkwe

— BRS Party (@BRSparty) November 11, 2026

Read Also :

Imran Khan: ఇమ్రాన్ ఖాన్ కంటికి చికిత్స‌.. ఆస్ప‌త్రికి త‌ర‌లింపు

కారేపల్లి మండల అభివృద్ధి పనులపై సమీక్షించిన ప్రత్యేక అధికారి ఆలేటి ప్రమీల

Crime News | ఆ బంధానికి అడ్డుగా ఉన్నాడ‌ని 24 ఏళ్ల కొడుకును ప్రియుడితో క‌లిసి చంపిన త‌ల్లి..!