KTR | రెండు జాతీయ పార్టీలకు ఆ విలువ ఎప్పటికీ అర్థం కాదు.. కాంగ్రెస్‌, బీజేపీ నేత‌ల తీరుపై ఎక్స్‌లో కేటీఆర్

KTR |  హైద‌రాబాద్‌లో కాంగ్రెస్ అగ్ర‌నేత రాహుల్ గాంధీ బైక్ ర్యాలీ సంద‌ర్భంగా ముందు స్కూటీపై రాహుల్ గాంధీ వెళ్తుంటే.. టీపీసీసీ అధ్యక్షుడు మహేష్ కుమార్ గౌడ్, మంత్రి వివేక్ వెంకటస్వామితోపాటు ప‌లువురు కాంగ్రెస్ నేత‌లు ఆయ‌న వెనుక పరిగెడుతూ వెళ్తున్న దృశ్యాలు నెట్టింట చ‌క్క‌ర్లు కొడుతున్నాయని తెలిసిందే. రాహుల్ గాంధీకి సీఎం రేవంత్‌తోపాటు మహేష్ కుమార్ గౌడ్, మంత్రి వివేక్ వెంకటస్వామి పర్సనల్ బాడీ గార్డులుగా మారిపోయారంటూ ఇప్ప‌టికే నెట్టింట విమ‌ర్శ‌లు వెల్లువెత్తుతున్నాయి. తాజాగా ఈ ఘ‌ట‌నపై బీఆర్ ఎస్ వ‌ర్కింగ్ కేటీఆర్ ఎక్స్ వేదిక‌గా స్పందించారు.

తెలంగాణ కాంగ్రెస్, బీజేపీ నేతల్లో వారి పదవులకు తగ్గట్లు ఉండాల్సిన హుందాతనం, గౌరవం కరువయ్యాయ‌ని కేటీఆర్ అభిప్రాయ‌ప‌డ్డారు. సీఎం రేవంత్ రెడ్డి గాంధీలకు బాడీగార్డుల్లా వ్యవహరిస్తున్నాడు. రాహుల్ గాంధీ బైక్ వెంట కాంగ్రెస్ మంత్రులు, పీసీసీ అధ్యక్షుడు పరుగులు తీయడం అవమానకరమ‌న్నారు. తెలంగాణకు చెందిన ఒక కేంద్ర మంత్రి అమిత్ షా చెప్పులను మోస్తే, బీజేపీ రాష్ట్ర అధ్యక్షుడు ఆయన కాళ్లు మొక్కుతున్నాడని ఎద్దేవా చేశారు.

కాంగ్రెస్, బీజేపీ నేతలు ప్రజలు ఇచ్చిన పదవుల గౌరవాన్ని దిగజార్చేలా ప్రవర్తిస్తున్నారని.. కాంగ్రెస్, బీజేపీ నేతల తీరు అత్యంత సిగ్గుచేటు, అవమానకరమ‌ని ట్వీట్ చేశారు. జాతీయ పార్టీల నేతల వ్యవహారశైలి తెలంగాణ ఆత్మగౌరవాన్ని దెబ్బతీసేలా కొనసాగుతోంది. తెలంగాణ ఆవిర్భావమే ఆత్మగౌరవ పునాదులపై జరిగింది. ఈ రెండు జాతీయ పార్టీలకు ఆ విలువ ఎప్పటికీ అర్థం కాదని కేటీఆర్ ట్వీట్‌లో పేర్కొన్నారు.

Dignity of office seems like a rare trait with Telangana Congress & BJP leaders

CM acting like a body guard of Gandhis, PCC president & Minister running behind Rahul Gandhi’s bike like errand boys !

Likewise Union Minister and BJP state president touching the feet of Amit Shah and carrying his chappal

What shameful and unbecoming behaviour

Telangana was founded on the principle of self respect. Looks like these two national parties will never ever be able to comprehend it

— KTR (@KTRBRS) November 15, 2026

రాహుల్ గాంధీ పర్సనల్ బాడీ గార్డులుగా మహేష్ కుమార్ గౌడ్, మంత్రి వివేక్ వెంకటస్వామి

బైక్ ర్యాలీలో భాగంగా ముందు స్కూటీపై రాహుల్ గాంధీ వెళ్తుంటే.. వెనుక పరిగెడుతూ వెళ్తున్న టీపీసీసీ అధ్యక్షుడు మహేష్ కుమార్ గౌడ్, మంత్రి వివేక్ వెంకటస్వామి https://t.co/bknef7tbQL

— Telugu Scribe (@TeluguScribe) November 14, 2026

Read Also :

Miami Airport | మియామి ఎయిర్‌పోర్టులో రెండు విమానాలు ఢీ.. ఇద్ద‌రికి గాయాలు..!

Tragedy | అనకాపల్లి జిల్లాలో విషాదం..నదిలో స్నానానికి దిగి ముగ్గురు యువకులు మృతి

Jagtial Hospital | ప‌ని చేయ‌ని ఎమర్జెన్సీ ప‌రికరాలు.. జ‌గిత్యాల మాజీ మున్సిపల్ వైస్ చైర్మన్ మృతి