KTR | తెలంగాణ ఉద్యమ పాదయాత్రకు 15 ఏళ్లు.. ఆనాటి జ్ఞాపకాలను గుర్తు చేసుకున్న కేటీఆర్

KTR | తెలంగాణ రాష్ట్ర సాధన ఉద్యమ జ్ఞాపకాలను బీఆర్ఎస్ వర్కింగ్ ప్రెసిడెంట్ కేటీఆర్ గుర్తు చేసుకున్నారు. ఉద్యమంలో భాగంగా 2011 నవంబర్ 16 నుంచి 21 వరకు నిర్వహించిన పాదయాత్ర (ఫుట్ మార్చ్)కు 15 ఏళ్లు పూర్తయ్యిందని తెలిపారు. ఉద్యమ నాయకుడు కేసీఆర్ పిలుపు మేరకు చేపట్టిన ఆరు రోజుల పాదయాత్ర తనకు గొప్ప జ్ఞాపకమని పేర్కొన్నారు. ఈ మేరకు ఎక్స్ వేదికగా పోస్టు చేశారు.
2011 నవంబర్ 16న వికారాబాద్లో ప్రారంభమైన ఈ పాదయాత్ర నవాబ్పేట, శంకర్పల్లి, పటాన్చెరు, శేరిలింగంపల్లి, కూకట్పల్లి, బాలానగర్ సర్కిల్ మీదుగా కుత్బుల్లాపూర్కు చేరుకుందని కేటీఆర్ గుర్తు చేసుకున్నారు. ఆరు రోజుల పాటు సాగిన ఈ యాత్రకు సమాజంలోని సబ్బండ వర్గాల ప్రజల నుంచి విశేష మద్దతు లభించిందని తెలిపారు. తెలంగాణ రాష్ట్ర సాధన ఉద్యమంలో ప్రజల భాగస్వామ్యం, ఆనాటి ఉత్సాహం స్ఫూర్తిదాయకమని పేర్కొన్నారు. చివరగా ‘జై తెలంగాణ’ అంటూ తన పోస్టును ముగించారు.

Ktr4

Ktr3

Ktr2

Ktr1
Comments (0)