IT Park | చౌటుప్పల్ ఐటీ పార్కులో భారీ పేలుడు.. వ్యక్తి మృతి
యాదాద్రి భువనగిరి : యాదాద్రి భువనగిరి జిల్లా చౌటుప్పల్ మండల పరిధి దండు మల్కాపురం ఐటీ పార్కులోని ‘ఆక్సి సె’ పరిశ్రమలో ప్రమాదం చోటు చేసుకుంది. సిలిండర్‌లోకి ఆక్సిజన్ నింపుతుండగా ఒక్కసారిగా పేలుడు సంభవించింది. దీంతో సిలిండర్ రెండు ముక్కలుగా విడిపోయి సుమారు 200 మీటర్ల దూరంలో పడిపోయింది. ఈ ఘటనలో ఒకరు చనిపోయారు.
ఈ ప్రమాదంలో కంపెనీలోడెయిలీ లేబర్‌గా పనిచేస్తున్న బీహార్ రాష్ట్రానికి చెందిన మనీష్ కుమార్ (21) మృతి చెందాడు. అదేవిధంగా దండు మైలారం గ్రామం, ఇబ్రహీంపట్నం మండలానికి చెందిన మాథరి హరిప్రసాద్ (23) గాయపడ్డాడు. పోలీసులు కేసు నమోదు చేసి దర్యాప్తు చేపట్టారు. పూర్తి వివరాలు తెలియాల్సి ఉంది.
Comments (0)