Harish Rao | ఇయ్యని పథకాలకు నీ పేరు పెట్టుకో రేవంత్ రెడ్డి : హరీశ్ రావు

Harish Rao | సంగారెడ్డి జిల్లా నారాయణఖేడ్ నియోజకవర్గంలోని నిజంపేటలో వరి ధాన్యం కొనుగోలు కేంద్రాలను మాజీ మంత్రి, బీఆర్ఎస్ఎల్పీ డిప్యూటీ ఫ్లోర్ లీడర్ హరీశ్ రావు సందర్శించారు. అక్కడి రైతులు, స్థానికులతో మాట్లాడి సమస్యలను అడిగి తెలుసుకున్నారు.
ఈ సందర్భంగా ఆయన మాట్లాడుతూ.. ఇక్కడ మెగ్యనాయక్ తండాలో మిషన్ భగీరథ నీళ్లు వస్తలేవని అన్నారు. ప్రత్యామ్నాయం ఆలోచన చేయండి. నీళ్ళు ఎత్తండి. నల్లవాగులో నీళ్లు ఉన్నాయి. నిజాం సాగర్లో నీళ్లున్నాయి.. నీళ్లు నింపండి. ప్రజలకు త్రాగు నీళ్లు ఇవ్వండని ప్రభుత్వాన్ని కోరారు.
నారాయణఖేడ్లో వలసలు పోతున్నారు.. మహబూబ్ నగర్ నుండి వలసలు పోతున్నారు.. ఇందిరా గాంధీ ఆత్మీయ బరోసా అని పేరు పెట్టీ ఆమెను కూడా గోస పెడుతున్నారు. ఇయ్యని పథకాలకు రాజీవ్, ఇందిరా గాంధీ పేర్లు పెట్టుడు ఎందుకు..? ఇయ్యని పథకాలకు నీ పేరు పెట్టుకో రేవంత్ రెడ్డి.. మోసగాడివి నువ్వు అని హరీశ్ రావు ఫైర్ అయ్యారు.
నారాయణ ఖేడ్లో రైతులు చనిపోయారు, వారికి రైతు బీమా రావడం లేదు.. బీమా డబ్బులు కట్టక రైతు కుటుంబ సభ్యులు ఇబ్బంది పడుతున్నారు. నీ కొత్త బీమా వచ్చేది దేవుడు ఎరుగు.. ఉన్న బీమా అమలు చెయ్యి.. కొత్త బీమా ఇంటికి ఒక్కరికే అంటున్నారు .. దీనివల్ల ఏం లాభం..? ఇప్పటివరకు 3 వేల మంది రైతులు చనిపోయారు. వారిని ప్రభుత్వం ఆదుకోవాలి. త్రాగు నీటి కోసం ప్రత్యామ్నాయ ఏర్పాట్లు చేయాలి. నీ మాటలు కడుపు నింపవు. వ్యవసాయ కూలీలకు రూ.12 వేలు ఇస్తాను అన్నావు.. ఆ డబ్బులు విడుదల చెయ్యి అని హరీశ్ రావు డిమాండ్ చేశారు.
Read Also :
విద్యార్థినులను లైంగికంగా వేధిస్తున్న వంటమనిషి..? బాలికల గురుకుల స్కూల్లో కలకలం
Jupally Krishna Rao | కాలువల నుండి ఒక్క చుక్క నీరు ఇవ్వం.. మంత్రి జూపల్లి కృష్ణారావు
Free bus | ఫ్రీ బస్సులో సీటు కోసం జుట్టు పట్టుకుని కొట్టుకున్న మహిళలు : వీడియో
Comments (0)