Double bedroom homes | నమస్తే తెలంగాణ వెబ్ న్యూస్ ఎఫెక్ట్.. ‘డబుల్’ ఇళ్ల అక్రమ వసూళ్లపై వార్డు ఆఫీసర్ సస్పెన్షన్

21 November 2026 - 21:09
0 0
Double bedroom homes | నమస్తే తెలంగాణ వెబ్ న్యూస్ ఎఫెక్ట్.. ‘డబుల్’ ఇళ్ల అక్రమ వసూళ్లపై వార్డు ఆఫీసర్ సస్పెన్షన్
Double Bedroom Homes1

Double bedroom homes |  తొర్రూరు, నవంబర్ 21 : డబుల్ బెడ్‌రూమ్ ఇళ్ల కేటాయింపులో అక్రమ వసూళ్ల వ్యవహారంపై నమస్తే తెలంగాణ వెబ్‌లో ప్రచురితమైన కథనానికి జిల్లా కలెక్టర్ స్నేహ శబరిష్ స్పందించారు. ఈ వ్యవహారంపై విచారణ చేపట్టి, లబ్ధిదారుల నుంచి డబ్బులు వసూలు చేసినట్లు నిర్ధారణ కావడంతో సంబంధిత వార్డు ఆఫీసర్‌ను సస్పెండ్ చేస్తూ చర్యలు తీసుకున్నారు.

తొర్రూరు పట్టణంలో డబుల్ బెడ్‌రూమ్ ఇళ్ల ఎంపిక పేరుతో వార్డు ఆఫీసర్లు లబ్ధిదారుల నుంచి రూ.30 వేల నుంచి రూ.లక్ష వరకు వసూలు చేస్తున్నారనే ఆరోపణలతో ఈ నెల 15న నమస్తే తెలంగాణ వెబ్‌లో ప్రత్యేక కథనం ప్రచురితమైంది. ఈ కథనంపై స్పందించిన జిల్లా కలెక్టర్ విచారణకు ఆదేశించి, వసూళ్ల వ్యవహారంపై దర్యాప్తు కొనసాగించారు.

ఈ క్రమంలో తొర్రూరు పట్టణంలోని 1, 9వ వార్డులకు వార్డు ఆఫీసర్‌గా పనిచేస్తున్న జె. మనేశ్వర్ లబ్ధిదారుల నుంచి డబ్బులు వసూలు చేసినట్లు విచారణలో రుజువు కావడంతో ప్రభుత్వ నిబంధనల ప్రకారం ఆయనను సస్పెండ్ చేసినట్లు కలెక్టర్ శనివారం విడుదల చేసిన ప్రకటనలో వెల్లడించారు.

ప్రభుత్వ సంక్షేమ పథకాల అమలులో లబ్ధిదారుల నుంచి ఎవరైనా డబ్బులు వసూలు చేస్తే ఉపేక్షించేది లేదని, సంబంధిత ఉద్యోగులపై కఠిన చర్యలు తీసుకుంటామని కలెక్టర్ హెచ్చరించారు. డబుల్ బెడ్‌రూమ్ ఇళ్లు, ఇందిరమ్మ ఇళ్లు, ఇతర ప్రభుత్వ పథకాలు ఇప్పిస్తామంటూ ఎవరైనా డబ్బులు అడిగితే వెంటనే అధికారులకు సమాచారం అందించాలని సూచించారు. ప్రభుత్వ ఉద్యోగులు నిస్వార్థంగా, పారదర్శకంగా, బాధ్యతాయుతంగా ప్రజలకు సేవలు అందించాలని స్పష్టం చేశారు. నమస్తే తెలంగాణ కథనంపై జిల్లా యంత్రాంగం స్పందించి చర్యలు తీసుకోవడంతో బాధిత లబ్ధిదారుల్లో ఆశలు చిగురించాయి.

Read Also :

Health Tips | అబ్బే.. థూ.. అంటూ చీకొట్టకండి.. రోజూ పళ్లు తోమకముందే నీళ్లు తాగితే ఆరోగ్యానికి మేలు జరుగుతుందట..!

Padi Kaushik Reddy | ఒక్క కొత్త పెన్షన్ ఇచ్చిన‌ట్టు నిరూపిస్తే నేను రాజీనామా చేస్తా.. రేవంత్ రెడ్డికి ఎమ్మెల్యే పాడి కౌశిక్ రెడ్డి సవాల్

KTR | కేటీఆర్ చేతుల మీదుగా ‘ఏఐ కెన్ రైట్ ద కోడ్’ పుస్తకావిష్కరణ.. యువ ఇంజినీర్లకు నూతన దిశానిర్దేశం!

 

Comments (0)

User