Congress Leaders Attack | ఫేస్‌బుక్ మెటా ఆఫీస్ పై కాంగ్రెస్‌ నాయకుల దాడి

20 November 2026 - 22:30
0 0
Congress Leaders Attack | ఫేస్‌బుక్ మెటా ఆఫీస్ పై కాంగ్రెస్‌ నాయకుల దాడి
Congress Leaers

హైదరాబాద్‌ : ఫేస్‌బుక్‌ అకౌంట్లను సస్పెండ్‌ చేసినందుకు గాను ఫేస్‌బుక్‌ ( Facebook ) మెటా ఆఫీస్‌ ( Meta Office) పై కాంగ్రెస్‌ నాయకులు ( Congress Leaders ) దాడులు చేశారు. గచ్చిబౌలిలోని ఫేస్‌బుక్ మెటా ఆఫీస్ దాడి చేసి అరాచకం సృష్టించారు. నేషనల్ యూత్ కాంగ్రెస్ ప్రెసిడెంట్ ఉదయ్ భాను, నేషనల్ యూత్ కాంగ్రెస్ ఇన్‌చార్జి మణిశర్మ ఫేస్‌బుక్ అకౌంట్‌లను సస్పెండ్ చేసింది.

దీంతో తెలంగాణ యూత్ కాంగ్రెస్ అధ్యక్షుడు జక్కిడి శివచరణ్ రెడ్డి, కాంగ్రెస్ కార్యకర్తలు కార్యాలయం దాడి చేసి బీభత్సం సృష్టించారు. కార్యాలయం ఆవరణలో ఉన్న పూలకుండీలను ధ్వంసం చేశారు. కార్యాలయం లోనికి వెళ్లేందుకు ప్రయత్నించడంతో పోలీసులు, సిబ్బంది అడ్డుకున్నారు. అనంతరం వారిని పోలీసు స్టేషన్‌కు తరలించారు.

ప్రపంచస్థాయి ఐటీ సంస్థలపై దాడులు చేస్తే పెట్టుబడులు పెట్టడానికి కొత్త కంపెనీలు ఎలా వస్తయంటూ సాప్ట్ వేర్ ఉద్యోగులు మండిపడుతున్నారు. ఒకవైపు పెట్టుబడుల కోసం గ్లోబల్ సమ్మిట్ అంటూ మరోవైపు ఉన్న సంస్థలను భయపెట్టే చిల్లర వేషాలు వేయడం పట్ల ఆగ్రహం వ్యక్తం చేస్తున్నారు. కంపెనీలకు రక్షణ కల్పించాల్సిన బాధ్యత కలిగిన స్థానంలో ఉన్న కాంగ్రెస్ పార్టీ నాయకులే దాడులు చేసి అరాచకం సృష్టించడం సబబేనా అంటూ ప్రశ్నించారు.

Comments (0)

User