బీజింగ్‌: చైనాలో వ‌చ్చే వారం ఆసియా ప‌సిఫిక్ ఎక‌నామిక్ కోఆప‌రేష‌న్ స‌మావేశాలు(APEC Summit) జ‌ర‌గ‌నున్నాయి. ఆ స‌ద‌స్సుకు అమెరికా అధ్య‌క్షుడు ట్రంప్ హాజ‌రుకానున్నారు. అక్క‌డ జ‌రిగే భేటీలో ట్రంప్, పుతిన్, జీ జిన్పింగ్ .. ముగ్గురు దేశాధ్య‌క్షులు పాల్గోనున్నారు.అణు నిరాయుధీక‌ర‌ణ, ఇరాన్ అంశాల‌పై ముగ్గురు నేత‌లు చ‌ర్చించే అవ‌కాశాలు ఉన్న‌ట్లు తెలుస్తోంది. ప్ర‌పంచ‌వ్యాప్తంగా న్యూక్లియ‌ర్ వెప‌న్స్ త‌గ్గించే అంశంపై ట్రంప్ చ‌ర్చ‌లు జ‌రిపే అవ‌కాశాలు ఉన్న‌ట్లు వైట్‌హౌజ్ ప్ర‌తినిధి ఓలీవియా వేల్స్ తెలిపారు. అణ్వాయుధాల వ్యాప్తి ప్ర‌మాద‌క‌ర‌మైంద‌ని ఆయ‌న అన్నారు. మూడు శ‌క్తివంత‌మైన దేశాల మ‌ధ్య జ‌రిగే స‌మావేశాల్లో స‌మ‌గ్ర‌మైన అగ్రిమెంట్ జ‌రుగుతుంద‌ని భావించ‌డం లేద‌ని, కానీ అత్యున్న‌త స్థాయిలో చ‌ర్చ‌లు చేప‌ట్టేందుకు అవ‌కాశం ఉంటుంద‌ని ఓ సీనియర్ అధికారి చెప్పారు.
చైనా అధ్య‌క్షుడు జీ జిన్పింగ్, ర‌ష్యా అధ్య‌క్షుడు పుతిన్‌తో ఇరాన్ అంశాన్ని ట్రంప్ ప్ర‌స్తావించ‌నున్న‌ట్లు అమెరికా అధికారులు చెప్పారు. కానీ ఉక్రెయిన్ వార్ గురించి ఆయ‌నేమీ మాట్లాడ‌బోర‌న్నారు. ట్రంప్, జిన్పింగ్ మ‌ధ్య ద్వైపాక్షిక చ‌ర్చ‌లు జ‌ర‌గ‌నున్నాయి, కానీ ట్రంప్, పుతిన్ మ‌ధ్య చ‌ర్చ‌ల‌పై మాత్రం ఇంకా క్లారిటీ రాలేదు.
Comments (0)