Akshara Singh | పెళ్లి కాకుండా ఛత్ పూజ చేస్తే తప్పేంటి?.. ట్రోలర్లకు భోజ్‌పురి నటి అక్షరా సింగ్ కౌంటర్!

17 November 2026 - 17:30
0 0
Akshara Singh | పెళ్లి కాకుండా ఛత్ పూజ చేస్తే తప్పేంటి?.. ట్రోలర్లకు భోజ్‌పురి నటి అక్షరా సింగ్ కౌంటర్!
Akshara Singh

భోజ్‌పురి నటి అక్షరా సింగ్ ఛత్ పూజలో పాల్గొనడంపై సోషల్ మీడియాలో ట్రోలింగ్ జ‌రుగుతుండ‌గా.. ఈ విమ‌ర్శ‌ల‌పై ఘాటుగా బదులిచ్చింది న‌టి. పెళ్లి కాని మహిళలు ఈ పూజ చేయకూడదనే విమర్శలపై ఆమె తీవ్రంగా స్పందిస్తూ, పురుషులకు ఒక రకమైన న్యాయం, మహిళలకు మరో రకమైన నిబంధనలా అని ప్రశ్నించారు. పెళ్లి కాని మగవారు ఛత్ వ్రతం ఆచరించినప్పుడు, మహిళలు ఎందుకు చేయకూడదని ఆమె నిలదీశారు. ఛత్ పూజ అనేది సూర్యభగవానుడు ఛఠీ(సృష్టి) మాతకు అంకితం చేసిన పవిత్రమైన పండుగ అని తెలిపింది.

నటి అక్షరా సింగ్ సంప్రదాయ దుస్తులలో నీటిలో నిలబడి పూజలు చేస్తున్న వీడియోలు సోషల్ మీడియాలో వైరల్ అయిన తర్వాత, కొందరు నెటిజన్లు పెళ్లి కాకుండా ఎందుకు చేస్తున్నారంటూ విమ‌ర్శించ‌డంతో పాటు ఇది పబ్లిసిటీ స్టంట్ అని కొందరు ఆరోపించారు. ఈ విమర్శలపై స్పందిస్తూ నటి నవంబర్ 16న తన ఇన్‌స్టాగ్రామ్ స్టోరీస్ వేదికగా సమాధానం ఇచ్చారు. తన భక్తిని, విశ్వాసాన్ని ప్రశ్నించే హక్కు ఎవరిచ్చారని ఆమె మండిపడ్డారు. ఇక సినిమాల విషయానికి వస్తే, అక్షరా సింగ్ చివరిసారిగా అక్షయ్ కుమార్ హీరోగా అహ్మద్ ఖాన్ దర్శకత్వంలో తెరకెక్కిన “వెల్కమ్ టు ది జంగిల్” చిత్రంలోని ‘ఘిస్ ఘిస్ ఘిస్’ పాటలో ప్రత్యేక పాత్రలో కనిపించారు.

Comments (0)

User