AEO Ramya | సాగులో సమతుల్య ఎరువుల యాజమాన్య పద్ధతులు పాటించాలి

కుభీర్ : రైతులు విచక్షణారహితంగా రసాయన ఎరువులు, పురుగుమందులు వినియోగించ కుండా వ్యవసాయ శాఖ సూచనల మేరకు సమతుల్య ఎరువుల యాజమాన్య పద్ధతులు ( Fertilizer Management ) పాటించాలని వ్యవసాయ విస్తీర్ణాధికారి రమ్య ( Ramya ) సూచించారు. నిర్మల్ జిల్లా కుభీర్ మండలం పార్డి (కె) గ్రామ పంచాయతీ కార్యాలయంలో ఖేత్ బచావో అభియాన్ – 2026 (రబీ) కార్యక్రమంలో రైతులకు అవగాహన కల్పించారు.

ఈ సందర్భంగా భూసార పరిరక్షణ, నేల ఆరోగ్యాన్ని కాపాడుకోవాల్సిన ఆవశ్యకత, పంటలకు అవసరమైన ఎరువులను నేల పరీక్షల ఆధారంగా వినియోగించుకోవడం వంటి అంశాలను వివరించారు. పంట మార్పిడి విధానాన్ని అవలంబించడం, సేంద్రియ ఎరువుల వినియో గం, నీటి పొదుపు పద్ధతులు పాటించడం ద్వారా భూసారాన్ని కాపాడుకోవచ్చని వివరించారు.

సాగు ఖర్చులు తగ్గించుకుంటూ నాణ్యమైన దిగుబడులు సాధించేందుకు శాస్త్రీయ వ్యవసాయ పద్ధతులను అనుసరించాలని రైతులకు సూచించారు. ఈ కార్యక్రమంలో సర్పంచ్ బందెల గంగామణి సత్యనారాయణ, పంచాయతీ కార్యదర్శి నరసయ్య, ఉపసర్పంచ్ పట్టెపు పోశెట్టి, లంక సురేష్, రైతులు పాల్గొన్నారు.