40 మంది కూలీలకు ఒక మేట్‌: సీతక్క

20 November 2026 - 05:30
0 0
40 మంది కూలీలకు ఒక మేట్‌: సీతక్క
Upthi

హైదరాబాద్‌, నవంబర్‌ 19 (నమస్తే తెలంగాణ): రాష్ట్రంలో ఉపాధి హామీ పనులకు నవంబర్‌ నెలలో కూలీలు రికార్డు స్థాయిలో హాజరయ్యారని మంత్రి సీతక తెలిపారు. సచివాలయంలో గురువారం ఆమె ఉన్నతస్థాయి సమీక్ష నిర్వహించారు. ఈ నెలలో రోజువారీ సగటు హాజరు 5.97 లక్షలు కాగా, నవంబర్‌ 18న ఒకరోజే ఆరు లక్షల మందికిపైగా పనులకు హాజరయ్యారని అధికారులు తెలిపారు. కూలీల సంఖ్యను మరింత పెంచేందుకు ప్రతి గ్రామ పంచాయతీలో రోజువారీ హాజరును 60 మందికి చేర్చాలని మంత్రి ఆదేశించారు. ప్రతి 40 మంది కూలీలకు ఒక మేట్‌ను నియమించి, శిక్షణ పూర్తిచేసుకున్నవారికి డిసెంబర్‌ 1 నుంచి బాధ్యతలు అప్పగించాలని సూచించారు. ఏజెన్సీ ప్రాంతాల్లో జలసిరి కింద 88,675 పనులు ప్రారంభం కాగా, 28,646 పూర్తయినట్టు అధికారులు తెలిపారు.

Comments (0)

User