హనుమాన్‌-2 ది రైజ్‌ ఆఫ్‌ వానరాస్‌

22 November 2026 - 02:00
0 0
హనుమాన్‌-2 ది రైజ్‌ ఆఫ్‌ వానరాస్‌
Vaisshnav

‘హను-మాన్‌’ యూనివర్స్‌ నుంచి మరో ప్రతిష్టాత్మక ఫాంటసీ మూవీ ప్రేక్షకుల ముందుకు రానుంది. ‘హను-మాన్‌’ నిర్మాతలైన కె.నిరంజన్‌రెడ్డి, చైతన్యరెడ్డి తమ ప్రైమ్‌షో ఎంటర్‌టైన్‌మెంట్స్‌ పతాకంపై ఈ చిత్రాన్ని నిర్మిస్తున్నారు. ‘హనుమాన్‌ 2 – ది రైజ్‌ ఆఫ్‌ వానరాస్‌’ పేరుతో రానున్న ఈ చిత్రంలో ‘ఉప్పెన’ ఫేం పంజా వైష్ణవ్‌తేజ్‌ హీరోగా నటిస్తారు. వీఐ ఆనంద్‌ దర్శకుడు. ఈ సందర్భంగా విడుదల చేసిన ఎనౌన్స్‌మెంట్‌ పోస్టర్‌ సినిమా కథాంశంపై ఆసక్తిని రేకెత్తిస్తున్నది.

ఆకాశమంత ఎత్తులో ఆంజనేయుని తోక.. ఆ తోకపై నిలబడివున్న ఓ వ్యక్తి.. అతని చుట్టూ అలముకొని ఉన్న మేఘాలు.. ఎదురుగా ఆంజనేయుని విశ్వరూప సందర్శనం.. ఇవన్నీ ఈ పోస్టర్‌లో చూడొచ్చు. బిగ్గెస్ట్‌ బ్లాక్‌బస్టర్‌గా నిలిచిన ‘హను-మాన్‌’ స్థాయిని మరింత పెంచేలా ఈ సీక్వెల్‌ ఉండబోతున్నదని, అద్భుతమైన సినిమాటిక్‌ ఎక్స్‌పీరియన్స్‌ని అందించే ఓ మైథలాజికల్‌ ప్రపంచాన్ని ఈ సినిమా ఆవిష్కరించనున్నదని మేకర్స్‌ తెలిపారు. ఈ సినిమాకు సంబంధించిన పూర్తి వివరాలు త్వరలో ప్రకటించనున్నారు.

Comments (0)

User