స్నేహ గ్రూప్‌పై ఐటీ దాడులు

22 November 2026 - 06:30
0 0
స్నేహ గ్రూప్‌పై ఐటీ దాడులు
Sne

అడ్డాకుల/జడ్చర్ల టౌన్‌, నవంబర్‌ 21: హైదరాబాద్‌, మహబూబ్‌నగర్‌, విజయవాడ సహా రెండు తెలుగు రాష్ర్టాల్లోని స్నేహ గ్రూప్‌ కంపెనీలపై ఆదాయ పన్ను (ఐటీ) శాఖ అధికారులు మెరుపు దాడులు చేశారు. నకిలీ బిల్లుల లావాదేవీలేమైనా జరిగాయా? ఆదాయానికి మించిన ఆస్తులేమైనా ఉన్నాయా? అనేది ఆరా తీస్తూ 16 ప్రాంతాల్లోని గ్రూప్‌ కార్యాలయాలు, కేంద్రాల్లో ఏక కాలంలో పెద్ద ఎత్తున సోదాలు చేశారు. గ్రూప్‌ డైరెక్టర్లు డెండి రామ్‌రెడ్డి, వరుణ్‌రెడ్డి, స్నేహ నివాసాల్లోనూ తనిఖీలు జరిగినట్టు సమాచారం. హైదరాబాద్‌లోని కొండాపూర్‌ కేంద్రంగా స్నేహ గ్రూప్‌ పౌల్ట్రీ, అగ్రిబిజినెస్‌ వ్యాపార కార్యకలాపాలను నిర్వహిస్తున్న విషయం తెలిసిందే.

Comments (0)

User