‘రాష్ట్రస్థాయి హ్యాండ్బాల్ పోటీల్లో నల్లగొండకు ప్రథమ స్థానం తీసుకురావాలి’

– క్రీడాకారులకు జిల్లా అడిషనల్ ఎస్పీ రమేష్ పిలుపు
నల్లగొండ రూరల్, నవంబర్ 16 : రాష్ట్రస్థాయి హ్యాండ్బాల్ పోటీల్లో ఉత్తమ ప్రతిభ కనబరిచి నల్లగొండ జిల్లాను ప్రథమ స్థానంలో నిలపాలని జిల్లా అడిషనల్ ఎస్పీ రమేష్ క్రీడాకారులకు పిలుపునిచ్చారు. ఉమ్మడి నల్లగొండ జిల్లా హ్యాండ్బాల్ అసోసియేషన్ ఆధ్వర్యంలో జిల్లా కేంద్రంలోని మేకల అభినవ్ అవుట్డోర్ స్టేడియంలో ఉమ్మడి జిల్లా సీనియర్ గర్ల్స్ హ్యాండ్బాల్ జట్టు ఎంపిక పోటీలు నిర్వహించారు. ఈ ఎంపిక పోటీలకు ముఖ్య అతిథిగా హాజరైన అడిషనల్ ఎస్పీ రమేష్ క్రీడాకారులను పరిచయం చేసుకుని పోటీలను ప్రారంభించారు. ఈ సందర్భంగా ఆయన మాట్లాడుతూ క్రీడాకారులు క్రమశిక్షణ, పట్టుదలతో సాధన చేసి రాష్ట్రస్థాయి పోటీల్లో ప్రతిభ చాటాలని సూచించారు.

‘రాష్ట్రస్థాయి హ్యాండ్బాల్ పోటీల్లో నల్లగొండకు ప్రథమ స్థానం తీసుకురావాలి’
ఈ కార్యక్రమంలో అసోసియేషన్ జిల్లా అధ్యక్షుడు మహమ్మద్ ఉస్మాన్, నల్లగొండ టౌన్ సర్కిల్ ఇన్స్పెక్టర్ ఆది రెడ్డి, ఏఆర్ ఆర్ఐ శ్రీనివాస్, జాతీయస్థాయి క్రీడాకారుడు ఆర్ఎస్ఐ నరసింహ, శ్రీకృష్ణ కాలేజ్ ఆఫ్ ఫిజికల్ ఎడ్యుకేషన్ ప్రిన్సిపాల్ నర్సింగరావు తదితరులు పాల్గొన్నారు.ఈ ఎంపిక పోటీల్లో ఉమ్మడి నల్లగొండ జిల్లాలోని మూడు జిల్లాల నుంచి 80 మంది క్రీడాకారులు పాల్గొన్నట్లు ఉమ్మడి జిల్లా హ్యాండ్బాల్ అసోసియేషన్ ప్రధాన కార్యదర్శి చింతకాయల పుల్లయ్య తెలిపారు. ఎంపికైన క్రీడాకారులు డిసెంబర్ 4 నుంచి 6వ తేదీ వరకు కట్టంగూర్ మండలం చెరువు అన్నారం గ్రామంలో నిర్వహించనున్న 55వ తెలంగాణ రాష్ట్రస్థాయి సీనియర్ గర్ల్స్ హ్యాండ్బాల్ ఛాంపియన్షిప్ పోటీల్లో పాల్గొంటారని వెల్లడించారు.
Comments (0)