మా ముందుకొచ్చి మాట్లాడే దమ్ముందా?

20 November 2026 - 05:30
0 0
మా ముందుకొచ్చి మాట్లాడే దమ్ముందా?
01
  • కాంగ్రెస్‌ నేతలకు రైతు సవాల్‌
  • వడ్లు తెచ్చి ఇరువై రోజులైనా కొంటలేరు..
  • కేసీఆర్‌ సార్‌ అన్ని వసతులు కల్పించిండు
  • రేవంత్‌ చింతాకంత పనికూడా చేయలేదు
  • సంస్థాన్‌ నారాయణపురంలో బీఆర్‌ఎస్‌ నేతలతో గోడువెళ్లబోసుకున్న రైతులు

సంస్థాన్‌ నారాయణపురం, నవంబర్‌ 19 : ‘దమ్మున్న కాంగ్రెస్‌ నాయకుడు ఎవడన్నా మా ముందుకొచ్చి మాట్లాడాలి? ఇరువై రోజులైనా వడ్లు కొంటలేరు. కరెంటియ్యరు, నీళ్లియ్యకుండా అరిగోసపెడుతున్నరు’ అని సూర్యాపేట ఎమ్మెల్యే, మాజీ మంత్రి జగదీశ్‌రెడ్డితో రైతులు తమ గోడువెళ్లబోసుకున్నారు. మునుగోడు మాజీ ఎమ్మెల్యే కూసుకుంట్ల ప్రభాకర్‌రెడ్డి, బీఆర్‌ఎస్‌ నాయకుడు క్యామ మల్లేశ్‌తో కలిసి జగదీశ్‌రెడ్డి గురువారం యాదాద్రి భువనగిరి జిల్లా సంస్థాన్‌ నారాయణపురంలోని ధాన్యం కొనుగోలు కేంద్రా న్ని సందర్శించి రైతుల సమస్యలను తెలుసుకున్నారు.

ఈ సందర్భంగా రైతు లు మాట్లాడుతూ.. కేంద్రానికి వడ్లు తీసుకొచ్చి నెలరోజులు గడుస్తు న్నా కొనడంలేదని అన్నారు. కొన్నా.. క్వింటాకు రెండు కిలోలు అదనంగా జోకుతున్నారని వాపోయారు. రేవంత్‌రెడ్డి వరి వే యొద్దు అంటున్నారని, అందరూ కూరగాయలు పండిస్తే కొనేవారు ఎవరని ప్ర శ్నించారు. రైతులు వ్యవసాయం చేయకుండా భూములు అమ్ముకుని ఎక్కడికి పోవాలో రేవంత్‌రెడ్డి చెప్పాలని నిలదీశా రు. ‘కేసీఆర్‌ సార్‌ పాలనలో రైతులకు అన్ని వసతులు ఉండే.. రేవంత్‌రెడ్డి వ చ్చిన తర్వాత చింతాకంత పని కూడా చేయలేదు. కరెంట్‌ ఇవ్వకున్నా పంట పండించినం.. వడ్లు కొనడంచేతకాని దద్దమ్మ సర్కార్‌ అరిగోస పెడుతున్నది. మళ్లీ కేసీఆర్‌ వస్తేనే మా బతుకులు మారుతాయి’ అని రైతులు చెప్పారు.

Comments (0)

User