పీజీ మెడికల్ ఫీజుల పెంపులో కోత

హైదరాబాద్, నవంబర్ 18 (నమస్తే తెలంగాణ): రాష్ట్రంలో పెంచిన పీజీ వైద్య కోర్సుల ఫీజులను హైకోర్టు సగానికి కుదించింది. గతంలో అమలైన ఫీజులతో పోలిస్తే తాజాగా ప్రభుత్వం, కాళోజీ నారాయణరావు హెల్త్ యూనివర్సిటీ పెంచిన ఫీజులు భారీ గా ఉన్నాయని హైకోర్టు అభిప్రాయపడింది. క్లినికల్ పీజీ వైద్య సీట్లకు పెంచిన ఫీజులను తగ్గిస్తూ మధ్యంతర ఉత్తర్వులు జారీ చేసింది. ఎంక్యూ-1 క్యాటగిరీ సీట్లకు యూనివర్సిటీ ఫీజును రూ.2 లక్షల నుంచి రూ.లక్షకు, ఎంక్యూ-2, ఎంక్యూ-3 క్యాటగిరీ సీట్ల ఫీజును రూ.3 లక్షల నుంచి రూ.1.50 లక్షలకు కుదించింది. ఈ తగ్గింపు ఉత్తర్వులు రిట్ పిటిషన్లపై తుది నిర్ణయం వెలువడే వరకు మాత్రమే అమల్లో ఉంటాయని స్పష్టం చేసింది.
Comments (0)