దేవాలయ ఉద్యోగిపై దాడి అమానుషం

20 November 2026 - 05:30
0 0
దేవాలయ ఉద్యోగిపై దాడి అమానుషం
Temple Employee Attack
  • ఫౌండర్‌ ట్రస్టీపై అర్చక జేఏసీ ఆగ్రహం

హైదరాబాద్‌ సిటీబ్యూరో, నవంబర్‌ 19 (నమస్తే తెలంగాణ): పెళ్లి బృందం ఆలయానికి వచ్చి తమ సంప్రదాయాన్ని అనుసరించి వేడుకలు చేసుకుంటుండగా ఫౌండర్‌ ట్రస్టీ పెళ్లి బృందంపై దాడిచేసి, దేవస్థాన ఉద్యోగిపై దాడికి పాల్పడటాన్ని అర్చక ఉద్యోగ జేఏసీ ప్రతినిధులు గంగు ఉపేంద్రశర్మ, డీవీఆర్‌ శర్మ, కాండూరి కృష్ణమాచారి, పరాశరం రవీంద్రాచారి, చంద్రశేఖర్‌ ఒక ప్రకటనలో తీవ్రంగా ఖండించారు.

ఆలయ ఉద్యోగులపై దాడికి పాల్పడినవారిపై చర్యలు తీసుకోకపోతే తెలంగాణ వ్యాప్తంగా ఆలయాల్లో ఆర్జిత సేవలు నిలిపివేస్తామని హెచ్చరించారు. ప్రభుత్వం వెంటనే దోషులను కఠినంగా శిక్షించాలని డిమాండ్‌ చేశారు. ఇటువంటి ఘటనలు రాష్ట్రంలో ఎక్కడా పునరావృతం కాకుండా చూడాలని కోరారు. ఉద్యోగులకు న్యాయం జరిగేదాకా దేవాదాయ శాఖలోని ప్రతి ఒక్కరూ అండగా ఉండాలని సూచించారు. ఆలయ అర్చక ఉద్యోగుల పరిరక్షణ కోసం భవిష్యత్తు కార్యాచరణ రూపొందిస్తామని వెల్లడించారు.

Comments (0)

User