తెలంగాణలో 3 రోజుల పాటు వర్షాలు
నెల 19, 20, 21 తేదీల్లో రాష్ట్రంలోని పలు ప్రాంతాల్లో వర్షాలు కురిసే అవకాశం ఉందని వాతావరణ శాఖ పేర్కొంది. 19న ఖమ్మం, భద్రాద్రి కొత్తగూడెం, మహబూబాబాద్, ములుగు జిల్లాల్లో బలమైన గాలులతో కూడిన భారీ వర్షాలు కురిసే అవకాశాలున్నాయని తెలిపింది. ఈ మేరకు ఆయా జిల్లాలకు ఎల్లో అలర్ట్ జారీ చేసినట్లు పేర్కొంది.
ఇటీవల అర్నబ్, మురసు తుపాన్లతో రాష్ట్రంలో పలు ప్రాంతాల్లో భారీ వర్షాలు కురిశాయి. తాజాగా బంగాళాఖాతంలో మరో తుపాను బలపడుతోందని వాతావరణ శాఖ ప్రకటించింది. ఏపీలోని మచిలీపట్నం- ఒడిశాలోని గోపాల్పూర్ మధ్య ఎక్కడైనా ఈ తుపాను తీరం దాటొచ్చని, దీనిపై మరింత స్పష్టత రావాల్సి ఉందని ఐఎండీ అధికారులు చెబుతున్నారు. తుపాను వల్ల రాష్ట్రంలో 19 నుంచి 21 వరకు మూడు రోజుల పాటు ముఖ్యంగా తూర్పు తెలంగాణ జిల్లాల్లో భారీ వర్షాలు కురిసే అవకాశం ఉందని అధికారులు చెబుతున్నారు.
Comments (0)