తుంగతుర్తిలో ఘనంగా బాలల దినోత్సవ వేడుకలు
తుంగతుర్తి, నవంబ‌ర్ 14 : తుంగతుర్తి మండల కేంద్రంలోని గ్రామ పంచాయతీ ఆవరణలో సర్పంచ్ మల్లెపాక సాయిబాబా ఆధ్వర్యంలో బాలల దినోత్సవాన్ని శనివారం ఘనంగా జరుపుకున్నారు. ఈ సందర్భంగా చిన్నారులతో కలిసి కేక్ కట్ చేసి మిఠాయిలు పంచారు. అనంతరం అయన మాట్లాడుతూ.. నేటి బాలలే రేపటి సమాజ నిర్మాతలని, దేశ భవిష్యత్‌కు పునాది వంటి వారని, బాల్య దశలోనే గ్రహణ సామర్థ్యం, నేర్చుకునే స్వభావం అధికంగా ఉంటుందని అన్నారు. బాల్యం దేవుడిచ్చిన వరమని పేర్కొన్నారు. ఈ కార్యక్రమంలో గ్రామ పంచాయతీ కార్యదర్శి శ్రీనివాస్, అంగన్‌వాడీ టీచర్ రేణుక, ఆశ వర్కర్ సునీత, రామాచారి, వార్డు మెంబర్లు పాల్గొన్నారు.
Comments (0)