ట్వీట్‌ చేస్తే అరెస్టు.. దాడి చేస్తే సైలెంట్‌!

22 November 2026 - 06:30
0 0
ట్వీట్‌ చేస్తే అరెస్టు.. దాడి చేస్తే సైలెంట్‌!
Meta
  • ప్రభుత్వతీరుపై పోస్టులు పెడితే అర్ధరాత్రి అక్రమ అరెస్టులు
  • మెటా కంపెనీపై దాడి చేసి అరాచకం సృష్టిస్తే వదిలేసిన పోలీసులు
  • మెటాపై దాడిని ప్రస్తావిస్తూ సోషల్‌మీడియాలో నెటిజన్ల మండిపాటు

హైదరాబాద్‌ సిటీబ్యూరో, నవంబర్‌ 21(నమస్తే తెలంగాణ): ప్రభుత్వానికి వ్యతిరేకంగా ఒక్క ట్వీట్‌ చేసిన ప్రతిపక్ష నాయకులు, జర్నలిస్టులను 24 గంటల్లోగా అరె స్టు చేస్తున్న రేవంత్‌ సర్కార్‌.. హైదరాబాద్‌ బ్రాండ్‌ ఇమేజ్‌కు భంగం కలిగేలా అంతర్జాతీయ సంస్థల కార్యాలయాలపై దాడి చేసిన కాంగ్రెస్‌ నాయకులపై మాత్రం ఎలాంటి చ ర్యలు తీసుకోవడం లేదు. ప్రభుత్వతీరుపై పోస్టులు పెడితే అర్ధరాత్రి అరెస్టు చేస్తున్న పోలీసులు.. మెటా కార్యాలయంపై యూత్‌ కాంగ్రెస్‌ కార్యకర్తల దాడి వీడియోలు సోష ల్‌ మీడియాలో వైరల్‌ అవుతున్నా ఎలాంటి స్పందన లేదు.

అధికారపార్టీకో న్యాయం.. సామాన్యుడికి మరో న్యాయమా? అని నెటి జన్లు ప్రశ్నిస్తున్నారు. జాతీయ నాయకుల సోషల్‌మీడియా ఖాతాలపై ఆంక్షలు విధించడాన్ని నిరసిస్తూ తెలంగాణ యూత్‌ కాం గ్రెస్‌ కార్యకర్తలు శుక్రవారం హైదరాబాద్‌ రాయదుర్గం పరిధిలోని మెటా కార్యాల య ప్రాంగణంలో ఆందోళన చేపట్టారు. యూత్‌ కాంగ్రెస్‌ రాష్ట్ర అధ్యక్షుడు జక్కిడి శి వచరణ్‌రెడ్డి ఆధ్వర్యంలో దాదాపు 25 మంది కార్యకర్తలు స్కై వ్యూ భవనంలోకి ప్రవేశించి కేంద్రం, మెటాకు వ్యతిరేకంగా నినాదాలు చేశారు. కారిడార్‌లోని పూలకుండీలను ధ్వంసం చేశారు. రాయదుర్గం పోలీసులు వారిని ముందస్తుగా అరెస్టు చేసి విడుదల చేశారు తప్ప కేసు నమోదు చేయలేదు.

ట్వీట్‌ చేస్తేనే అరెస్టులు..!

మూడేండ్లుగా అక్రమ అరెస్టుల పర్వం కొనసాగుతున్నది. సోషల్‌మీడియాలో ప్రభుత్వాన్ని విమర్శిస్తూ, లోపాలను ఎండగడుతూ ఒక ట్వీట్‌ చేసినా చాలు.. వారిని అరెస్టులు, విచారణ పేరుతో వేధిస్తున్నది. అరెస్టులు చేయడం ద్వారా వారి కుటుంబాల్లో భయం పుట్టించి వారు మళ్లీ ఎదురు మాట్లాడకుండా చేసే దిశగా ప్రభుత్వం ప్రయత్నాలు చేస్తున్నది. కక్షసాధింపు ధోరణితో పోలీసులపై ఒత్తిడి పెంచి చేస్తున్న ఆగడాలకు అంతులేకుండా పోతున్నది.

Comments (0)

User