చిల్డ్రన్స్ డే వేడుకల్లో ప్రకృతి ప్రేమికుడికి అపూర్వ గౌరవం

కొత్తగూడెం, నవంబర్ 17 : పర్యావరణ పరిరక్షణకు విశేష కృషి చేస్తున్న వాక్ ఫర్ ట్రీస్ వనజీవి విశ్వామిత్ర చౌహాన్కు చిల్డ్రన్స్ డే వేడుకల్లో అవార్డు అందించి ఘనంగా సత్కరించారు. జిల్లా సంక్షేమ శాఖ ఆధ్వర్యంలో పాల్వంచ ఐడీఓసీ కార్యాలయంలో నిర్వహించిన చిల్డ్రన్స్ డే వేడుకల్లో జిల్లా సంక్షేమ శాఖ అధికారి మంగతార చేతుల మీదుగా ఆయన అవార్డు అందుకున్నారు. ‘మై డే.. మై రైట్స్.. మై ఫ్యూచర్’ నినాదంతో నిర్వహించిన ఈ కార్యక్రమంలో భాగంగా భావితరాలకు పచ్చని భవిష్యత్ను అందించేందుకు ప్రతిరోజూ మొక్కలు నాటుతూ, వాటిని సంరక్షిస్తున్న విశ్వామిత్ర చౌహాన్ సేవలను గుర్తించి ఈ గౌరవం అందించారు. జిల్లా సంక్షేమ శాఖ నుండి వరుసగా మూడో ఏడాది చిల్డ్రన్స్ డే సందర్భంగా అవార్డు అందుకోవడం విశేషం. ఈ సందర్భంగా విశ్వామిత్ర చౌహాన్ మాట్లాడుతూ.. పర్యావరణ పరిరక్షణపై ప్రతి ఒక్కరిలో అవగాహన కల్పించడం, పచ్చదనం పెంపునకు అందరినీ భాగస్వాములను చేయడమే తన లక్ష్యమని తెలిపాడు. ఈ కార్యక్రమంలో జిల్లా సంక్షేమ శాఖ అధికారులు, విద్యార్థులు, సిబ్బంది పాల్గొన్నారు.
Comments (0)