కృష్ణసాగర్‌లో కేంద్ర ప్రభుత్వ ఆర్థిక పథకాలపై అవగాహన

బూర్గంపహాడ్, నవంబర్ 13 : కేంద్ర ప్రభుత్వ ఆర్ధిక సేవల సంపూర్ణత ప్రచార కార్యక్రమంలో భాగంగా కృష్ణసాగర్ పంచాయతీ పరిధిలో సర్పంచ్ తాటి వాణి ఆధ్వర్యంలో ప్రజలకు వివిధ ఆర్ధిక పథకాలపై అవగాహన కల్పించారు. డిసెంబర్ 31వ తేదీ వరకు నిర్వహించనున్న ఈ కార్యక్రమం ద్వారా అర్హులైన ప్రతి ఒక్కరికీ ప్రభుత్వ ఆర్ధిక సేవలు అందించడమే ప్రధాన లక్ష్యమన్నారు. ప్రధానమంత్రి జనదన్ యోజన, జీవన్ జ్యోతి బీమా యోజన, సురక్ష బీమా యోజన, అటల్ పెన్షన్ యోజన తదితర పథకాలపై ప్రజలకు అవగాహన కల్పించి అర్హులైన లబ్దిదారులకు బ్యాంకింగ్ బీమా, పెన్షన్ సేవలు అందించేందుకు చర్యలు చేపడుతున్నట్లు తెలిపారు. ప్రజలు అర్హత మేరకు వాటిని సద్వినియోగం చేసుకోవాలని సూచించారు. ఈ కార్యక్రమంలో ఉప సర్పంచ్ భూక్యా మోహనరావు, బ్యాంకు సిబ్బంది, గ్రామ ప్రజలు పాల్గొన్నారు.