కాంగ్రెస్‌లో ఇమడలేను

• సోషల్‌ మీడియాలో సిరిపురం సర్పంచ్‌ పోస్ట్‌

లింగాలఘనపురం, నవంబర్‌ 14 : కాంగ్రెస్‌ పార్టీలో ఇమడలేక పోతున్నా.. గ్రామస్తులూ నన్ను క్షమించండి అంటూ జనగామ జిల్లా లింగాలఘనపురం మండలం సిరిపురం గ్రామానికి చెందిన కాంగ్రెస్‌ సర్పంచ్‌ చీటకోరు సంపత్‌ సోషల్‌ మీడియాలో ఒక ప్రకటన విడుదల చేశారు. ‘నేను సర్పంచ్‌గా గెలిచి స్టేషన్‌ఘన్‌పూర్‌ ఎమ్మెల్యే కడియం శ్రీహరి, ఎంపీ కడియం కావ్య, రాష్ట్ర మంత్రులు, సీఎం సహకారంతో గ్రామాన్ని అన్నిరంగాల్లో అభివృద్ధి చేద్దామనుకున్నా..

కానీ, పరిస్థితులు అందుకు విరుద్ధంగా ఉన్నాయి. కాంగ్రెస్‌లో ఉండలేక పోతున్నా.. నా మీద ఎంతో నమ్మకంతో గెలిపించిన కార్యకర్తలు, గ్రామప్రజలు నన్ను క్షమించాలి. పార్టీలో ఇమడలేను, నున్ను క్షమించండి’ అంటూ సోషల్‌ మీడియాలో పోస్టు చేయడం మండలంలో చర్చగా మారింది.