ఉత్తమ్కుమార్వి పొంతనలేని మాటలు

- బీఆర్ఎస్ రాష్ట్ర నాయకుడు ఒంటెద్దు నర్సింహారెడ్డి
నేరేడుచర్ల, నవంబర్ 19: కృష్ణా నదీజలాల విషయంలో సాగునీటి పారుదల శాఖ మంత్రి ఉత్తమ్కుమార్రెడ్డి పొంతనలేకుండా మాట్లాడుతున్నారని బీఆర్ఎస్ రాష్ట్ర నాయకుడు, హుజూర్నగర్ నియోజకవర్గ సమన్వయకర్త ఒంటెద్దు నర్సింహారెడ్డి విమర్శించారు. ఏపీ ప్రభుత్వం కృష్ణా ప్రాజెక్టుల నుంచి అక్రమంగా తరలిస్తున్న నీటి లెక్కలకు, మంత్రి చెప్తున్న లెక్కలకు పొంతన ఉండటం లేదని పేర్కొన్నారు. సూర్యాపేట జిల్లా నేరేడుచర్ల మండల కేంద్రంలోని బీఆర్ఎస్ పార్టీ కార్యాలయంలో ఆయన గురువారం మీడియాతో మాట్లాడారు.
నాగార్జున సాగర్ డెడ్స్టోరేజీ నుంచి నీటిని అక్రమంగా తరలించేందుకు ఏపీ జల్జీవన్ మిషన్ పథకం కింద అక్రమంగా సొరంగం నిర్మాణం చేపడుతున్నదని ఆందోళన వ్యక్తంచేశారు. ఈ విషయంపై జిల్లా మంత్రులైన ఉత్తమ్కుమార్రెడ్డి, కోమటిరెడ్డి వెంకట్రెడ్డి అవగాహన లేకుండా చెరోమాట మాట్లాడుతున్నారని ధ్వజమెత్తారు. ఈ విషయం తమకు ముందే తెలుసని మంత్రులు చెప్పుకోవడం సిగ్గుచేటని పేర్కొన్నారు. ముందే తెలిసి ఉంటే నీటి పారుదల శాఖ ఉన్నతాధికారుల నుంచి సమాచారం ఎందుకు తీసుకోలేదని, ఎందుకు అభ్యంతరాలు వ్యక్తంచేయలేదని ప్రశ్నించారు.
Comments (0)