ఈక్విటీలపై పన్ను కొనసాగాలి

- నిర్మలమ్మకు ఆర్థికవేత్తల సూచన
న్యూఢిల్లీ, నవంబర్ 16 : వచ్చే ఆర్థిక సంవత్సరానికిగాను నరేంద్ర మోదీ సర్కార్ ప్రవేశపెట్టనున్న సార్వత్రిక బడ్జెట్ ముందస్తు సమావేశాలు ప్రారంభమయ్యాయి. దీంట్లోభాగంగా సోమవారం కేంద్ర ఆర్థిక మంత్రి నిర్మలా సీతారామన్ అధ్యక్షతన జరిగిన సమావేశంలో పలువురు ఆర్థికవేత్తలు పాల్గొన్నారు. ప్రధానంగా వీరు ఈక్విటీలపై దీర్ఘకాలిక క్యాపిటల్ గెయిన్స్ పన్ను (ఎల్టీసీజీ) కొనసాగించాలని నిర్మలా సీతారామన్కు సూచించారు.
ఈ పన్నును రద్దు చేయాలంటూ పరిశ్రమల ప్రతినిధులు, అంతర్జాతీయ పెట్టుబడిదారులు చేస్తున్న డిమాండ్లను వారు వ్యతిరేకించారు. సమావేశంలో ఎక్కువ మంది ఆర్థికవేత్తలు దీర్ఘకాలిక క్యాపిటల్ గెయిన్స్ పన్నును తగ్గించాల్సిన అవసరం లేదని అభిప్రాయపడ్డారు.
Comments (0)