నాంపల్లి, నవంబర్ 16 : బీఆర్ఎస్ పార్టీ నాంపల్లి మండల సర్పంచుల ఫోరం అధ్యక్షుడిగా నాంపల్లి సర్పంచ్ నక్క చంద్రశేఖర్ ఎన్నికయ్యారు. సోమవారం నాడు సర్పంచులు సమావేశమై ఏకగ్రీవంగా ఆయనను ఎన్నుకున్నారు. ఈ సందర్భంగా ఆయన మాట్లాడుతూ.. కాంగ్రెస్ ప్రభుత్వంలో బీఆర్ఎస్ పార్టీ సర్పంచులు అవమానాలకు గురవుతున్నారని, తమకు సమాచారం ఇవ్వకుండానే ఇందిరమ్మ ఇండ్లు, చేయూత పెన్షన్ల లబ్దిదారులను ఎంపిక చేస్తున్నారని ఆరోపించారు. తమ హక్కుల సాధనకు ఆందోళనకు సిద్ధమవుతున్నట్లు చెప్పారు. ఈ కార్యక్రమంలో మండల పార్టీ అధ్యక్షుడు గుమ్మడపు నరసింహారావు, సర్పంచులు కడారి శ్రీశైలం యాదవ్, నడింపల్లి శ్రీలక్ష్మి యాదయ్య, పల్లె వెంకన్న, సాగర్ల యాదయ్య, దామెర శోభ సహాదేవ్, పెరికేటి రమేశ్, పలువురు ఉప సర్పంచులు పాల్గొన్నారు.
Comments (0)