ఐజేయూ జాతీయ కౌన్సిల్‌కు తెలంగాణ నుంచి 78 మంది ఎన్నిక

17 November 2026 - 08:30
0 1
ఐజేయూ జాతీయ కౌన్సిల్‌కు తెలంగాణ నుంచి 78 మంది ఎన్నిక
Iju
  • రిటర్నింగ్‌ అధికారి గోర్ల బుచ్చన్న వెల్లడి

హైదరాబాద్‌, నవంబర్‌ 16 (నమస్తే తెలంగాణ): ఇండియన్‌ జర్నలిస్ట్స్‌ యూనియన్‌ జాతీయ కౌన్సిల్‌ సభ్యులుగా తెలంగాణ నుంచి 78మంది ఎన్నికయ్యారు. ఐజే యూ, తెలంగాణ యూనియన్‌ ఆఫ్‌ వరింగ్‌ జర్నలిస్ట్స్‌ (టీయూడబ్ల్యూజే-హెచ్‌143) ఆ ధ్వర్యంలో ఆదివారం నిర్వహించిన జాతీయ కౌన్సిల్‌, తెలంగాణ రాష్ట్ర కౌన్సిల్‌ సభ్యుల ఎన్నికల ఫలితాలను రిటర్నింగ్‌ అధికారి, సీనియర్‌ పాత్రికేయుడు గోర్ల బుచ్చన్న అధికారికంగా వెల్లడించారు.

జాతీయ కౌన్సిల్‌కు ఎన్నికైనవారిలో హైదరాబాద్‌ నుంచి 33 మంది ఉన్నారు. వీరితోపాటు రాష్ట్రంలోని వివిధ జిల్లాలతోపాటు ఢిల్లీ నుంచి కూడా పలువురు సీనియర్‌ పాత్రికేయులు జాతీయ కౌన్సిల్‌కు ఎన్నికయ్యారు. జాతీయ, రాష్ట్ర కౌన్సిల్‌కు ఎన్నికైనవారిలో ‘నమస్తే తెలంగాణ’ జర్నలిస్టులు భారీ సంఖ్యలో ఉన్నారు. వివిధ జి ల్లాల నుంచి మొత్తం 19 మంది ‘నమస్తే తె లంగాణ’ జర్నలిస్టులు జాతీయ, రాష్ట్ర కౌన్సి ల్‌ స్థానాలకు ఎంపికయ్యారు.

వీరిలో ఐజేయూ జాతీయ కౌన్సిల్‌కు ఎనిమిది మంది, రాష్ట్ర కౌన్సిల్‌కు 11 మంది ఎన్నికయ్యారు. జాతీయ కౌన్సిల్‌కు రెండోసారి ఎన్నికైనవారిలో తెలంగాణ ఫొటో జర్నలిస్ట్‌ అసోసియేషన్‌ వ్యవస్థాపకుడు గంటేపాక భాస్కర్‌, స్టేట్‌బ్యూరో సీనియర్‌ జర్నలిస్ట్‌ వర్ధెల్లి వెంకటేశ్వర్లు ఉన్నారు. వీరితోపాటు నరహరి రాజాఅనిల్‌కుమార్‌ (జనగామ), కడపత్రి ప్రకాశ్‌రావు (కరీంనగర్‌), కుర్సింగడ రామస్వామి (కుమ్రం భీం ఆసిఫాబాద్‌), కరల్లి నవీన్‌కుమార్‌ (నారాయణపేట), అంకరి ప్రకాశ్‌ (పెద్దపల్లి), వంగూరు నరసింహారెడ్డి (వనపర్తి) జాతీయ కౌన్సిల్‌కు ఎన్నికయ్యారు.

Comments (0)

User