Warangal | వరంగల్ డిఐజి ఆఫీస్‌లో ఇద్దరు ఉద్యోగుల సస్పెన్షన్
సుబేదారి, అక్టోబర్ 16 : భద్రాద్రి జోన్ వరంగల్ డిఐజి కార్యాలయంలో పనిచేస్తున్న ఇద్దరు ఉద్యోగులను సస్పెండ్ చేస్తూ భద్రాద్రి జోన్ వరంగల్ డిఐజి ఎన్ శ్వేత (వరంగల్ పోలీసు కమిషనర్) ఉత్తర్వులు జారీ చేశారు. హనుమకొండ సుబేదారిలోని భద్రాద్రి జోన్ వరంగల్ డిఐజి కార్యాలయంలో సూపరిండెంట్‌గా పని చేస్తున్న యుగంధర్, సీనియర్ అసిస్టెంట్ మధుసూదన్ రెడ్డి భద్రాద్రి జోన్ పోలీస్ సిబ్బంది బదిలీల విషయంలో అవినీతికి పాల్పడినట్లు ఆరోపణలు వచ్చాయి.
ఈ నేపథ్యంలో భద్రాద్రి జోన్ డిఐజి శ్వేత విచారణ జరిపించారు. విచారణలో యుగంధర్, మధుసూదన్ రెడ్డి అవినీతి పాల్పడినట్లు రుజువు కావడంతో సస్పెన్షన్ వేటు వేశారు.
Comments (0)