Ramayana | రూ. 1,500 కోట్ల క్లబ్‌లో ‘రామాయణం’.. 14 రోజుల్లోనే బాక్సాఫీస్ వద్ద సరికొత్త చరిత్ర!

19 November 2026 - 11:00
0 0
Ramayana | రూ. 1,500 కోట్ల క్లబ్‌లో ‘రామాయణం’.. 14 రోజుల్లోనే బాక్సాఫీస్ వద్ద సరికొత్త చరిత్ర!
Ramayana

నితేశ్ తివారీ దర్శకత్వంలో రణబీర్ కపూర్, సాయి పల్లవి, యష్ ప్రధాన పాత్రల్లో తెరకెక్కిన ‘రామాయణం’ చిత్రం బాక్సాఫీస్ వద్ద సరికొత్త చరిత్ర సృష్టించింది. విడుదలైన కేవలం రెండు వారాల్లోనే అంటే 14వ రోజు నాటికి ప్రపంచవ్యాప్తంగా రూ. 1,500 కోట్ల క్లబ్లో చేరడమే కాకుండా, భారత్‌లో రూ. 1,000 కోట్ల గ్రాస్ మార్కును కూడా అధిగమించింది.

14వ రోజున భారతదేశవ్యాప్తంగా సుమారు రూ. 23.20 కోట్ల నెట్ వసూళ్లను రాబట్టిన ఈ చిత్రం, మొత్తం ఇండియా నెట్ వసూళ్లను రూ. 844.40 కోట్లకు చేర్చింది. కేవలం 14 రోజుల్లోనే రూ. 1,500 కోట్ల మార్కును దాటి, అత్యంత వేగంగా ఈ మైలురాయిని చేరుకున్న చిత్రాలలో ఒకటిగా నిలిచింది. 14వ రోజు నెట్ వసూళ్లలో హిందీ వెర్షన్ రూ. 16.50 కోట్లు రాబట్టగా, మలయాళం రూ. 2.15 కోట్లు, కన్నడ రూ. 1.65 కోట్లు, తమిళం రూ. 1.60 కోట్లు, తెలుగు రూ. 1.30 కోట్లు వసూలు చేసి స్థిరమైన జోరును కొనసాగించాయి. దేశీయ నెట్ వసూళ్లలో ‘ధురంధర్’ రికార్డును అధిగమించిన ఈ సినిమాతో దర్శకుడు నితేశ్ తివారీ ‘దంగల్’ తర్వాత తన ఖాతాలో రెండో రూ. 1,500 కోట్ల చిత్రాన్ని వేసుకున్నారు.

Comments (0)

User