NTR | అనిల్ రావిపూడితో ఎన్టీఆర్ చిత్రం.. టైటిల్ ఏంటో తెలుసా?

16 November 2026 - 14:30
0 1
NTR | అనిల్ రావిపూడితో ఎన్టీఆర్ చిత్రం.. టైటిల్ ఏంటో తెలుసా?
Ntr Anil

NTR | యంగ్ టైగర్ జూనియర్ ఎన్టీఆర్ వరుస సినిమాలతో ఫుల్ బిజీగా మారుతున్నారు. ఇప్పటికే స్టార్ డైరెక్టర్లతో భారీ ప్రాజెక్టులను లైన్‌లో పెట్టిన తారక్.. తాజాగా మరో క్రేజీ కాంబినేషన్‌కు గ్రీన్ సిగ్నల్ ఇచ్చారు. టాలీవుడ్‌లో వరుస విజయాలతో దూసుకుపోతున్న దర్శకుడు అనిల్ రావిపూడితో తన తదుపరి సినిమాను అధికారికంగా ప్రకటించారు. ఎన్టీఆర్ ఆర్ట్స్ బ్యానర్‌పై ఈ సినిమాను నిర్మించనున్నారు. ఇప్పటివరకు ఎన్టీఆర్, అనిల్ రావిపూడి కాంబినేషన్‌లో సినిమా రాకపోవడంతో ఈ ప్రాజెక్ట్‌పై అభిమానుల్లో భారీ ఆసక్తి నెలకొంది.

టాలీవుడ్‌లో మాస్ ఎంటర్‌టైనర్లకు కేరాఫ్ అడ్రస్‌గా నిలిచిన దర్శకుడు అనిల్ రావిపూడి.. ఇప్పుడు మ్యాన్ ఆఫ్ మాసెస్ ఎన్టీఆర్‌తో సినిమా చేయబోతున్నారు. తన సినిమాల్లో కామెడీ, యాక్షన్, ఎమోషన్స్‌ను సమపాళ్లలో కలిపి ప్రేక్షకులను అలరించడం అనిల్ రావిపూడి ప్రత్యేకత. మరోవైపు ఎన్టీఆర్ తన అద్భుతమైన నటన, డైలాగ్ డెలివరీ, మాస్ ఇమేజ్‌తో దేశవ్యాప్తంగా అభిమానులను సంపాదించుకున్నారు. ఈ ఇద్దరి కలయికలో సినిమా వస్తుందనే వార్త చాలా కాలంగా వినిపిస్తున్నప్పటికీ.. ఇప్పుడు ఈ ప్రాజెక్ట్ అధికారికంగా ప్రకటించడంతో అభిమానుల ఆనందానికి అవధులు లేకుండా పోయాయి. ఎన్టీఆర్ ఆర్ట్స్ ఈ చిత్రాన్ని నిర్మించనుంది. ఈ కాంబినేషన్‌లో ఎలాంటి కథను తెరకెక్కించబోతున్నారు? ఎన్టీఆర్‌ను అనిల్ రావిపూడి ఏ తరహా పాత్రలో చూపించబోతున్నారు? అనే ప్రశ్నలు ప్రస్తుతం ఆసక్తికరంగా మారాయి.

ఈ సినిమాకు సంబంధించి మరో ఆసక్తికరమైన వార్త సోషల్ మీడియాలో చక్కర్లు కొడుతోంది. ఈ చిత్రానికి తాత్కాలికంగా ‘ధన వీర శూర’ అనే టైటిల్‌ను పరిశీలిస్తున్నట్లు ప్రచారం జరుగుతోంది. అయితే ఈ టైటిల్‌పై చిత్ర బృందం నుంచి ఇప్పటివరకు ఎలాంటి అధికారిక ప్రకటన రాలేదు. దీంతో ఇది నిజంగా సినిమా టైటిలా? లేక ప్రస్తుతానికి వినిపిస్తున్న ప్రచారం మాత్రమేనా? అనేది తెలియాల్సి ఉంది. మరోవైపు ఈ సినిమా షూటింగ్‌ను త్వరలోనే ప్రారంభించే అవకాశం ఉందని దర్శకుడు అనిల్ రావిపూడి హింట్ ఇచ్చినట్లు సమాచారం. దీంతో ఎన్టీఆర్ అభిమానులు ఈ ప్రాజెక్ట్‌కు సంబంధించిన మరిన్ని వివరాల కోసం ఎదురుచూస్తున్నారు ఇక ఎన్టీఆర్ ప్రస్తుతం తన తదుపరి సినిమాల విషయంలో చాలా బిజీగా ఉన్నారు. అనిల్ రావిపూడి సినిమాతో పాటు ప్రశాంత్ నీల్ దర్శకత్వంలో తెరకెక్కుతున్న ‘డ్రాగన్’ కూడా ఆయన లైనప్‌లో ఉంది. ఈ సినిమాపై ఇప్పటికే భారీ అంచనాలు నెలకొన్నాయి

Comments (0)

User