MS Dhoni: ఐపీఎల్‌కు మ‌హీ రిటైర్మెంట్‌.. చెన్నై సూప‌ర్ కింగ్స్ మెంట‌ర్‌గా ధోనీ

17 November 2026 - 17:30
0 0
MS Dhoni: ఐపీఎల్‌కు మ‌హీ రిటైర్మెంట్‌.. చెన్నై సూప‌ర్ కింగ్స్ మెంట‌ర్‌గా ధోనీ
Dhonimentor

చెన్నై : మిస్ట‌ర్ కూల్ మ‌హేంద్ర సింగ్ ధోనీ(MS Dhoni).. ఐపీఎల్ నుంచి రిటైర్ అయ్యాడు. 2027 సీజ‌న్‌కు ముందు అత‌ను కీల‌క నిర్ణ‌యం తీసుకున్నాడు. ప్లేయ‌ర్‌గా రిటైర్మెంట్ తీసుకున్న ధోనీ.. ఇక వ‌చ్చే సీజ‌న్ నుంచి చెన్నై సూప‌ర్ కింగ్స్ జ‌ట్టు మెంట‌ర్‌గా బాధ్య‌త‌లు నిర్వ‌ర్తించ‌నున్నాడు. ఈ విష‌యాన్ని సీఎఎస్‌కే త‌న ఎక్స్ అకౌంట్‌లో క‌న్ఫ‌ర్మ్ చేసింది. ఐపీఎల్ 2027 నుంచి సీఎస్‌కే మెంట‌ర్‌గా ధోనీ కొత్త అధ్యాయం మొద‌లువుతుంద‌ని ఆ పోస్టులో వెల్ల‌డించారు. ధోనీ లేకుండా సీఎస్కే లేదు అని, రెండు దశాబ్ధాలుగా.. ఒక్క‌టిగా ఎదిగామ‌ని, విజ‌యాలు.. ఓట‌ములు క‌లిగినా, అది మా మ‌ధ్య ఉంద‌ని సీఎస్కే ఓన‌ర్ ఎన్ శ్రీనివాస‌న్ తెలిపారు.


ధోనీ నేతృత్వంలోని సీఎస్కే జ‌ట్టు అయిదు సార్లు ఐపీఎల్ టైటిల్ నెగ్గింది. కెప్టెన్‌గానే కాకుండా ఆ లీగ్‌లోనే ఉత్త‌మ బ్యాట‌ర్‌గా కూడా ధోనీ ప్రూవ్ చేసుకున్నాడు. సూప‌ర్ కింగ్స్ జ‌ట్టులో అత్య‌ధిక ర‌న్స్ చేసిన రెండో ప్లేయ‌ర్‌గా నిలిచాడు. సీఎస్కే త‌ర‌పున 272 మ్యాచ్‌లు ఆడిన అత‌ను 5314 ర‌న్స్ చేశాడు. అనేక మ్యాచ్‌ల్లో ఫినిషింగ్ ట‌చ్ ఇస్తూ క్రికెట్ అభిమానుల్ని ఆక‌ట్టుకున్నాడు.

Comments (0)

User