Electric Rice coocker | ఎలక్ట్రిక్‌ రైస్‌ కుక్కర్‌లో వండిన అన్నం ఆరోగ్యానికి మంచిది కాదా.. నిపుణులు ఏమంటున్నారు..?

Electric Rice coocker : మ‌నకు వ‌రి అన్నమే ప్రధాన‌మైన ఆహారం. దేశంలోని చాలా ప్రాంతాల్లో వ‌రి అన్నాన్ని ఆహారంగా తీసుకుంటారు. అయితే సాధారణ పద్ధతిలో కాకుండా ఇప్పుడు ఎక్కువగా ఎలక్ట్రిక్‌ రైస్‌ కుక్కర్‌ (Electric Rice coocker) లో వంట చేస్తున్నారు. సులువైన పద్ధతి కావడంతో ఎక్కువ మంది ఈ పద్ధతినే ఫాలో అవుతున్నారు. అయితే ఎలక్ట్రిక్‌ రైస్‌ కుక్కర్‌లో వండిన అన్నం ఆరోగ్యానికి మంచిది కాదనే వాదన ఈ మధ్య బలంగా వినిపిస్తున్నది. దీనివల్ల రకరకాల అనారోగ్య సమస్యలు వస్తాయని కొందరు అంటున్నారు.

అయితే ఆరోగ్య నిపుణులు మాత్రం అలాంటిదేం లేదని చెబుతున్నారు. అనారోగ్య సమస్యలు వస్తాయనే వాదనను కొట్టిపారేస్తున్నారు. పైగా ప్రెష‌ర్‌తో ఉడ‌క‌డంవ‌ల్ల అన్నం రుచిగా ఉంటుంద‌ని చెబుతున్నారు. కుక్కర్‌లో వండిన అన్నంలో పిండి ప‌దార్థం తొల‌గిపోవ‌డంవ‌ల్ల ఫ్యాట్ కంటెంట్ కూడా త‌క్కువ‌గా ఉంటుంద‌ని అంటున్నారు. ఫ్యాట్ కంటెంట్‌ తగ్గడంవల్ల ఊబకాయం వచ్చే ప్రమాదం కూడా తగ్గుతుందని చెబుతున్నారు. రైస్‌ కుక్కర్‌లో అన్నంతో ప్రయోజనమే తప్ప నష్టం లేదని స్పష్టం చేస్తున్నారు.

ప్రయోజ‌నాలు..

రైస్‌ కుక్కర్‌లో వండిన అన్న బాగా ఉడకడంవల్ల సులువుగా జీర్ణమ‌వుతుంది.

పైగా అన్నంలో ప్రోటీన్‌లు, పిండి ప‌దార్థాలు, ఫైబ‌ర్ లాంటి స్థూల పోష‌కాలు ఉంటాయి.

పొయ్యి మీది మాదిరిగా రైస్‌ కుక్కర్‌లో అన్నం ఎగరకపోవడం వల్ల మెతుకులు ఇరగకుండా ఉంటాయి.

ఎక్కువ ప్రెష‌ర్‌లో అన్నం వండ‌టంవ‌ల్ల బియ్యంలో, నీళ్లలో ఉండే హానిక‌ర‌ శిలీంధ్రాలు, బ్యాక్టీరియా నాశ‌న‌మైపోతాయి.

పొయ్యి మీది వంటతో పోల్చితే ఎలక్ట్రిక్‌ రైస్‌ కుక్కర్‌లో అన్నం వేగంగా సిద్ధమ‌వుతుంది.