Delhi Air Pollution | ఢిల్లీలో పెరుగుతున్న ఎయిర్ పొల్యూష‌న్‌.. 325కి ప‌డిపోయిన ఎయిర్ క్వాలిటీ ఇండెక్స్‌..!

Delhi Air Pollution : దేశ రాజధాని ఢిల్లీలో వాయు కాలుష్యం అంతకంతకే పెరుగుతున్నది. గడిచిన‌ వారం రోజుల నుంచి వరుసగా గాలి నాణ్యత క్షీణిస్తున్నది. దాంతో ఢిల్లీ నగరం అంతటా దట్టంగా పొగమంచు కమ్ముకుని ఉంటున్నది. ఈ పొగమంచు కారణంగా దారి కొద్దిదూరం కూడా కనిపించక వాహనదారులు తీవ్ర ఇబ్బందులు పడుతున్నారు.

ఇవాళ ఢిల్లీలో సగటు గాలి నాణ్యత రికార్డు స్థాయిలో 325 కి పడిపోయింది. బారాపుల్లా, జేఎల్ఎన్ స్టేడియం ఏరియాల్లో ఎయిర్ క్వాలిటీ బాగా క్షీణించింది. ఢిల్లీ యూనివర్సిటీ ఏరియాలో, పుసా ఏరియాలో, ధిర్‌పూర్‌ ఏరియాలో గాలి నాణ్య‌త అత్యంత అధ్వాన్నంగా ఉన్నది. నోయిడాలో కూడా ఎయిర్ పొల్యూష‌న్ పెరిగిపోయింది.

కాగా, ఎయిర్‌ క్వాలిటీ ఇండెక్స్‌ (AQI) 0-100 మధ్య ఉంటే గాలి నాణ్యత బాగా ఉండి, కాలుష్యం లేదని అర్థం. AQI 100-200 మధ్య ఉంటే గాలి నాణ్యత మధ్యస్తంగా ఉందని, AQI 200-300 మధ్య ఉంటే గాలి నాణ్యత అధ్వాన్నంగా ఉందని, AQI 300-400 మధ్య ఉంటే గాలి నాణ్యత మరింత అధ్వాన్నంగా ఉందని, AQI 400-500 మధ్య ఉంటే కాలుష్యం తీవ్ర స్థాయిలో ఉందని అర్థం.

#WATCH | Delhi: Air Quality Index (AQI) around Barapullah and JLN Stadium is 325, categorised as ‘Very Poor’, as per the CPCB (Central Pollution Control Board).

(Visuals shot at 09:00 am) https://t.co/jEhK4reD9N

— ANI (@ANI) November 15, 2026