Cyclone | బలపడుతున్న వాయుగుండం..19 నుంచి ఏపీలో అతి భారీ వర్షాలు

అమరావతి : ఆగ్నేయ బంగాళాఖాతంలో వాయుగుండం కొనసాగుతుంది. సోమవారం తెల్లవారు జామున తుపాను ( Cyclone ) గా మారనుందని వాతావరణ శాఖాధికారులు వెల్లడించారు. వాయుగుండం మరింత బలపడి 18 నాటికి అతి తీవ్ర తుపానుగా మారే అవకాశం ఉందని, దీని ప్రభావం వల్ల ఈనెల 19 నుంచి అతి భారీ వర్షాలు (Heavy rains ) కురుస్తాయని వివరించారు.

ప్రస్తుతం కోస్తాంధ్రలోనే తీరం దాటే అవకాశముందని అధికారులు వెల్లడించారు. అతి తీవ్ర తుపానుగా తీరం దాటే అవకాశముందని వివరించారు. తుపాను కారణంగా కళింగపట్నం మినహా అన్నిపోర్టులకూ 1వ నంబర్‌ ప్రమాద హెచ్చరికను జారీ చేశారు. ఈ నెల 18,19వ తేదీల్లో భారీ నుంచి అతిభారీ వర్షాలు ఒకటి లేదా రెండు చోట్ల కురిసే అవకాశం ఉందని అమరావతి వాతావరణశాఖ హెచ్చరించింది. అటు ఈ తుఫాన్‌కు ఇప్పటికే అక్వాన్ అనే పేరు నామకరణం చేశారు. తుఫాన్‌గా మారిన తర్వాత ఈ పేరు ఫిక్స్ చేయనున్నారు.