CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ

21 November 2026 - 21:09
0 0
CPI Ramakrishna | ఏపీలో అధికార పార్టీ దౌర్జన్యం.. చంద్రబాబు మూల్యం చెల్లించక తప్పదు : సీపీఐ రామకృష్ణ
Cpi Ramakrishna

అమరావతి : ఆంధ్రప్రదేశ్‌లో మున్నెన్నడు లేని విధంగా దౌర్జన్యాలు పెరిగిపోయాయని సీపీఐ ( CPI ) జాతీయ కార్యదర్శి రామకృష్ణ (Ramakrishna )  ఆరోపించారు. అధికార పార్టీ నాయకుల కంటే పోలీసులు బెదిరింపు రాజకీయాలకే పాల్పడుతున్నారని విమర్శించారు. ముఖ్యమంత్రి చంద్రబాబు ( Chandra Babu ) మూల్యం చెల్లించక తప్పదని హెచ్చరించారు. ఏపీలో జరుగుతున్న ఎన్నికల్లో ఇతర పార్టీలకు చెందిన అభ్యర్థులు పోటీ చేయలేని పరిస్థితి ఏర్పడిందని మండిపడ్డారు.

ప్రజాస్వామ్యబద్ధంగా నిర్వహించాల్సిన ఎన్నికల్లో నాలుగు రెట్ల దౌర్జన్యం పెరిగిందని, ఎన్నికలు కచ్చితంగా చంద్రబాబుకు మాయని మచ్చగా మిగిలిపోతుందన్నారు.ఏపీలో ఓటు హక్కు కోసం ఎన్నికల నిర్వహణపై ప్రజలు ఉద్యమాలు చేయాలని పిలుపునిచ్చారు. డబ్బులు చెల్లిస్తే ఓటు వేసే సంస్కృతిని ఈ‌ ప్రభుత్వం తీసుకొచ్చిందన్నారు. విష సంస్కృతి తరిమి కొట్టేందుకు ప్రజలను చైతన్య చేస్తామని వెల్లడించారు. ప్రధాన మంత్రి నరేంద్ర మోదీపాలనలో అన్ని రంగాలు దెబ్బ తిన్నాయని ఆయన పేర్కొన్నారు.

Comments (0)

User