Bihar | బీహార్‌లో ఘోర రోడ్డు ప్ర‌మాదం.. వంతెనపై నుంచి ​కాలువలో ప‌డ్డ వాహ‌నం, ఆరుగురు మృతి

19 November 2026 - 11:00
0 0
Bihar | బీహార్‌లో ఘోర రోడ్డు ప్ర‌మాదం.. వంతెనపై నుంచి ​కాలువలో ప‌డ్డ వాహ‌నం, ఆరుగురు మృతి
Bhihar

Bihar | బీహార్‌లో ఘోర రోడ్డు ప్ర‌మాదం(Road accident) చోటు చేసుకుంది. వేగంగా వెళ్తున్న‌ స్కార్పియో వాహ‌నం( Scorpio vehicle)అదుపుతప్పి వంతెనపై(Bridge) నుంచి లోతైన ​కాలువలో పడిపోవడంతో ఆరుగురు ప్రాణాలు(Six people died )కోల్పోయారు. మరో వ్యక్తి తీవ్రంగా గాయపడ్డాడు. ఈ విషాద‌క‌ర సంఘ‌ట‌న అరారియా జిల్లాలోని తారాబారి పోలీస్ స్టేషన్ పరిధిలో బుధవారం అర్ధరాత్రి జ‌రిగింది. పోలీసులు తెలిపిన వివ‌రాలు ఉన్నాయి. సుపౌల్ జిల్లా పిప్రా ప్రాంతంలోని థుమ్హా గ్రామానికి చెందిన ఏడుగురు స్కార్పియోలో సిక్టీ ప్రాంతంలోని భప్టియా గ్రామంలో జరిగిన పెళ్లి వేడుకకు హాజరయ్యారు. కార్యక్రమం ముగిసిన అనంతరం తిరిగి స్వగ్రామానికి బయలుదేరారు.

ఈ క్రమంలో బీడీ వంతెన వద్ద ఉన్న ప్రమాదకరమైన మలుపు దగ్గర వాహనం అదుపుతప్పి నీటిలో పడిపోయింది. గ‌మ‌నించిన స్థానికులు పోలీసుల‌కు స‌మాచారమిచ్చి క్ష‌త‌గాత్రుల‌ను ద‌వాఖాన‌కు త‌ర‌లించారు. అప్ప‌టికే ఆరుగురు మ‌ర‌ణించిన‌ట్లు అరేరియాలోని సదర్ దవాకాన‌కు చెందిన డాక్టర్ నీరజ్ కుమార్ తెలిపారు. మృతులను యశ్ కుమార్ (15), ఆదిత్య ఆనంద్ (18), ఆర్యన్ (15), కుందన్ కుమార్ (26), సౌరభ్ (16), మున్నా కుమార్ (14)గా గుర్తించారు. వీరంతా ఒకే గ్రామానికి చెందినవారు.అప్ప‌టి వ‌ర‌కు పెళ్లి వేడుక‌ల్లో సంతోషంగా పాల్గొన్న వారు విగ‌త‌జీవులుగా మార‌డంతో ప్రమాద వార్తతో థుమ్హా గ్రామంలో విషాదం నెలకొంది. పోలీసులు కేసు న‌మోదు చేసి ద‌ర్యాప్తు చేప‌ట్టారు. పూర్తి వివ‌రాలు తెలియాల్సి ఉంది.

Comments (0)

User