ACB Net | రూ.2 లక్షలు లంచం తీసుకుంటూ ఏసీబీకి అడ్డంగా దొరికిన సర్పంచ్‌

18 November 2026 - 21:30
0 0
ACB Net | రూ.2 లక్షలు లంచం తీసుకుంటూ ఏసీబీకి అడ్డంగా దొరికిన సర్పంచ్‌
Acb Net

మహబూబాబాద్‌ : జిల్లాలోని సీరోల్‌ మండలం మోదుగడ్డ తండాకు చెందిన సర్పంచ్‌ దరావత్‌  వీరు( Sarpanch Daravath Veeru) లంచం ( Bribe)   తీసుకుంటూ ఏసీబీ ( ACB )  అధికారులకు రెడ్‌ హ్యండెడ్‌గా పట్టుబడ్డాడు. గ్రామ పంచాయతీ పరిధిలో ఉన్న క్వారీ నిర్వహణ కోసం ఎలాంటి అడ్డంకులు సృష్టి్ంచవద్దని గ్రానైట్‌ యజమానులు సర్పంచ్‌ను సంప్రదించారు.

అందుకు మొదట రూ.30 లక్షలు డిమాండ్‌ చేసిన సర్పంచ్‌ చివరకు రూ.13 లక్షలకు ఒప్పుకున్నాడు. ఇందులో భాగంగా మొదటి విడతగా రూ.2 లక్షలు బుధవారం తీసుకుంటుండగా ఏసీబీ అధికారులు పట్టుకున్నారు. అవినీతికి పాల్పడ్డ సర్పంచ్‌ దరావత్‌ వీరుపై కేసు నమోదు చేసి వరంగల్‌ జుడిషియల్‌ కోర్టులో హాజరు పరిచామని ఏసీబీ ఉన్నతాధికారులు వివరించారు.

Comments (0)

User