విద్యుత్ వైరు తెగిపడి పాడి బ‌ర్రె మృతి
కారేపల్లి, అక్టోబర్ 16 : విద్యుత్ వైరు తెగిపడి పంట పొలంలో మేత మేస్తున్న పాడి బ‌ర్రె మృతి చెందిన ఘటన కారేపల్లి మండల పరిధిలోని చీమలపాడు గ్రామంలో శుక్రవారం చోటుచేసుకుంది. గ్రామానికి చెందిన భాగం వెంకటేశ్వర్లు తన పాడి బ‌ర్రెల‌ను పంట పొలంలో మేపుతుండగా మధ్యాహ్నం 12 గంటల సమయంలో విద్యుత్ వైరు తెగి కిందపడింది. దీంతో మేత మేస్తున్న బ‌ర్రెల‌కు విద్యుత్ వైరు తగలడంతో ఒక పాడి బ‌ర్రె అక్కడికక్కడే మృతి చెందింది. సుమారు లక్ష రూపాయలు నష్టం వాటిల్లిన‌ట్లు బాధిత రైతు తెలిపాడు. బాధిత రైతును ప్రభుత్వం, విద్యుత్ శాఖ అధికారులు ఆదుకోవాలని, మృతి చెందిన బ‌ర్రెకు తగిన పరిహారం అందించి న్యాయం చేయాలని స్థానికులు డిమాండ్ చేశారు.
Comments (0)